Olta Boka ka zbuluar se është alergjike ndaj diellit. Po, ndoshta shumë prej jush dhe nuk e keni dëgjuar këtë alergji pasi është shumë e rrallë. Këngëtarja tregon se vetëm pak ekspozim në diell, lëkura e saj acarohet, prandaj pyet fansat nëse ata kanë ndonjë zgjidhje.“Ah kjo alergjia e diellit që s’më la rehat as këtë verë. Nëse në fund të pushimeve më shihni të bardhë, mos e fusni gishtin në plagë. Më qan zemra për pak ngjyrë, por vetëm me pak ekspozim në diell (me krem mbrojtës) dhe lëkura ime merr flakë nga kruajtjet e alergjisë”, ka shkruar Olta. Po çfarë është alergjia ndaj diellit? Alergjia nga dielli, është një alergji e rrallë ndaj rrezeve të diellit që shkakton formimin e urtikarieve në lëkurën e ekspozuar ndaj diellit. Njollat me kruarje, të kuqërremta ose skuqjet zakonisht shfaqen brenda disa minutave pas ekspozimit në diell. Ato mund të zgjasin për një kohë të shkurtër ose deri në disa orë.
