Alessio Alia: Nuk e dija që deputeteve në Shqipëri nuk u lejohej seksi

Ai u bë protagonisti i përfolur për pak ditë, pas një interviste dhënë në mediat shqiptare mbi jetën e tij private dhe femrat me të cilat ai ka pasur eksperienca. Duket se ardhja e tij në Shqipëri përbën gjithmonë lajm për faktin se modeli i njohur Alessio Alia, me origjinë nga Tropoja, tashmë ka hequr dorë nga ky profesion duke u bërë njëkohësisht edhe menaxher dhe organizator eventesh të mëdha në Australi: “Jeta ime tani është ndryshe, merrem me muzikë dhe me modë, kam dhe dy restorante të miat. Për mua thuhen shumë gjëra, nuk e di pse, por një nga punët e mia është të menaxhoj yje të mëdhenj në Australi”. Kështu ka thënë së fundmi Alia dhe pas zërave se në shtrat ka pasur edhe deputete shqiptare, ai rrëfen: “Unë nuk thashë emra, por nuk e mendova se ua kanë mbyllur deputeteve dhe nuk mund të bëjnë seks. Kur më pyetën mua nëse kam pasur lidhje me deputete e biznesmene, unë thashë se kam pasur shumë lidhje, por në orën dy të natës nuk mund t’i njoh se cilat janë (qesh)”, përfundon bisedën e tij Alessio. /Panorama