Jennifer Lopez dhe Alex Rodriguez shihen si çifti perfekt dhe këtë gjë e ka vërtetuar dhe videoja e fundit nga prapaskenat e turneut të këngëtares. Ditën e djeshme JLo publikoi në ‘Youtube’ një video nga pjesë të ndryshme të turneut të saj dhe aty fansat kishin mundësinë të shikonin jetën e vërtetë të artistes jashtë kamerave të televizionit apo ‘Instagram-it’. Nëse Jennifer mund të duket gjithmonë shumë e lumtur me jetën e saj, e vërteta është krejtësisht ndryshe, sepse edhe ajo ka momente të vështira si gjithë të tjerët. Në një nga performancat e saj Jennifer ka gjuajtur veten me mikrofon dhe këtë e ka cilësuar si ditën më të vështirë të saj. Gjithashtu ajo ka treguar se nuk ndjehet e lumtur me veten, por këtë moment e ka kaluar shpejt falë mbështetjes së partnerit të saj. “Ka qenë spektakli më i mirë që kam parë deri tani. Ti tregove se je një kampione vogëlushe. Ti pate probleme dhe prapë bëre më të mirën. Ti nuk e shikon sa e mrekullueshme je. Nuk ja ke idenë. Askush nuk i shikon hapat, njerëzit shikojnë sa e bukur dukesh dhe sa mirë këndon”, i thotë Alex teksa i fshin lotët.
Në 20 minuta video nga prapaskenat e turnet Jennifer tregon se ka perfromuar edhe kur ka qenë me temperaturë të lartë, por duke pasur gjithmonë pranë partnerin e saj ja ka dalë mbanë në çdo koncert. Kujtojmë se në muajin mars Alex i propozoi për martesë këngëtares gjatë pushimeve të tyre. /revistawho.com
