Alex Rodriguez ka pasur probleme të shumta ligjore gjatë këtij viti me ish-partneren e tij, Cynthia Scurtis. Megjithatë duket se tashmë ata e kanë hedhur çdo gjë pas krahëve dhe kjo falë fëmijëve të tyre. Së fundmi vajza e Alex dhe Cynthia, Natasha ka festuar për mbarimin me sukses të vitit shkollor dhe prindërit e saj nuk kanë munguar në festë. Përveç tyre edhe Jennifer Lopez ishte e pranishme dhe të gjithë kanë pozuar bashkë për një fotografi. Nëse shumë mund të mendonin se ky ka qenë një moment i sikletshëm, duket se për Jennifer, Alex dhe Cynthia gjithçka ka shkuar mirë. Të tre ata shfaqen të lumtur në foto dhe pavarësisht lidhjeve që kanë me njëri-tjetrin, ata dinë si t’i ruajnë raportet si tre të rritur të qytetëruar.
https://www.instagram.com/p/ByGsHHzAiie/?utm_source=ig_embed
Në fakt kjo nuk është hera e parë që Jennifer dhe Alex përballen me një situatë të tillë. Kujtojmë se pak ditë më parë Lopez u shfaq duke kënduar në festën e vajzës së saj përkrah Rodriguez dhe ish-partnerit të saj, Marc Anthony. /revistawho.com
