Vera Grabocka dhe Alketa Vejsiu janë një ndër dyshet më të suksesshme dhe më jetëgjata të ekranit shqiptar. Ato kanë bashkëpunuar për 20 vite me njëra-tjetrën për spektakle nga më të ndryshmet si “Dance with me”, “Në Kurthin e Piter Pan”, “X factor” e shumë të tjerë.
Mirëpo, së fundmi ‘Panorama Plus’ ka mësuar se dy emrave të njohur i është besuar drejtimi artistik i Festivalit të 58-të të Këngës në Radio Televizionin Shqiptar. Grabocka do jetë edhe në rolin e regjisores, ndaj ky konsiderohet si një rikthim i saji në Festival, ndërsa Alketa Vejsiu do të vijë për herë të parë edhe në rolin e moderatores. Pritet që Festivali i fundvitit të ketë një strukturë krejtësisht të re, duke përfshirë një formë të re prezantimi dhe një sistem votimi ndryshe nga i mëpërparshmi.
Ndonëse ende nuk janë konfirmuar detajet, dyshja do të vazhdojnë me produksione të reja në ‘Tv Klan’, nga muaji shtator e deri në fund të sezonit televiziv./revistawho.com
