Pak ditë më parë në kryeqytet u mbajt një ceremoni mjaft e rëndësishme të modës organizuar nga Alketa Vejsiu “Class Fashion Show”. Për të folur më tepër lidhur me show-n e organizuar, Alketa Vejsiu ishte e ftuar sot në emisionin “Rudina”. Ajo tregoi se u kujdes që çdo detaj të ishte në vendin e duhur pasi është maniake pas perfeksionit.
Një pyetje të cilës nuk mund të mos lihej pa i bërë, si një organizatore dasmash, ishte se si ju duk dasma mbretërore. Moderatorja e emisionit, Rudina Magjistari e pyeti lidhur me të dhe përgjigja e Alketës është me të vërtetë befasuese.
“Nëse do të vishesha sërish me të bardha do të kisha zgjedhur fustanin e Meghan Markle. Ai ishte shumë i bukur, materiali saten që derdhej në trup dhe çdo detaj tjetër e bënte të dukej shumë fin”,- u shpreh moderatorja.
Kujtojmë se mbrëmjen e kaluar Alketa Vejsiu mbylli me sukses rrugëtimin e gjatë të emisionit “Në kurthin e Piter Pan”./revistawho.com
