Festivali i RTSH-së është finalizuar një natë më parë me fitoren e Arilena Arës. Megjithatë të shumtë ishin ata që kishin rezerva për vendin e parë, pasi dëshironin të shikonin në ‘Eurovizion’ Elvana Gjatën. Gjata ishte këngëtarja më e klikuar e këtij edicioni, ndaj Alketa Vejsiu me një shkrim në ‘Instagram’, ka treguar se ndihej keq që nuk kishte mundësi t’i jepte zë, zërit të publikut. Ajo shkon më tej, duke kërkuar falje nëse i ka zhgënjyer fansat, por shprehet se juria nuk ishte ajo dhe jurinë nuk e zgjodhi ajo. Në fund, Alketa falenderon Elvanën që besoi tek vizioni i saj, duke u bërë pjesë e festivalit dhe shprehet se ajo duhet të ndihet fituesja, edhe pse ajo nuk ka nevojë për një garë për të konfirmuar atë që është sot. Kujtojmë se organizimi i këtij viti ju besua Vera Grabockës dhe Alketa Vejsiut, të cilat sollën një festival të nivelit mjaft të lartë dhe mjaft të ndjekur.
https://www.instagram.com/p/B6aie-hnTWh/?igshid=1s5h9yjbp5iws
