Sipas gazetës Express Erjon Sulhoxhajt 35 vjeçari i cili u bë i famshëm nga rrjetet sociale me videon e tij duke i shprehur dashurinë Almës është arrestuar mëngjesin e sotëm. 35-vjeçari është ndaluar pas denoncimit të Almës e cila ka kryer një kallëzim se në 4 muaj bashkëjetesë me të ai ka ushtruar vazhdimisht dhunë fizike dhe psikologjike ndaj saj. Materialet i kaluan prokurorisë për veprën penale “dhunë në familje”. Alma dhe Erjoni u bashkuan në nëntor. Ata treguan në “Pasdite në Top Channel” sesi janë njohur, historinë e videove dhe planet për të ardhmen. Erjoni tha se janë njohur në qytetin e Fierit dhe aty ka lindur dashuria e tyre. Sa u përket videove, ai tha se janë miqtë e tij që ja kanë publikuar pa autorizimin e tij. Ndërkohë, ai i bëri thirrje policisë që të mundësonte heqjen e këtyre videove nga interneti. Alma, tha se këto video e kanë vënë në vështirësi edhe familjen e saj. Ajo tregoi se fëmijët nuk i shikon prej gjashtë muajsh pasi është ndarë nga burri. Në fund, të dy premtuan se do të vazhdojnë romancën e tyre, Erjoni pa alkool dhe Alma pa e braktisur “poçin”, siç e quan me përkëdheli…premtim që mesa duket nuk u mbajt.
Burimi Gazeta Express
