Miss Globi 2008-të, Almeda Abazi ka qenë një tjetër e ftuar për intervistën 60 sekonda në Prive, ku ka folur për karrierën dhe jetën e saj private.
Almeda ka treguar se nuk i intereson të jetë më e bukura apo “Miss” ajo do të njihet si një “Shoë Girl” pasi i pëlqen shumë bota e televizionit. Kujtojmë se Almeda është bërë shumë e famshme në Turqi me rolin e saj në serialin “Sulejmani i Madhërishëm”.
“Roli tek “Sulejmani i Madhërishëm” ishte një përgjegjësi shumë e madhe dhe e vështirë sepse isha gruaja e tij. Ai rol ishte një “peshë mbi shpatulla” për mua por ka qenë eksperienca më e mirë. Tani kam emisionin tim ku udhëtoj në vende të ndryshme dhe prezantoj kulturat”- ka thënë bukuroshja brune.
Gjithashtu pas suksesit në karrierë Almeda ka folur edhe për lidhjen e saj me aktorin Tolgahan Saysisman.
“Tolgahan është shpirti im binjak. Nuk u dashurova me të prej famës por për personalitetin dhe shpirtin. Kemi një personalitet shumë të ngjashëm dhe falenderoj zotin që më njohu me të. Kemi plane për tu martuar dhe e kemi diskutuar shumë herë por nuk kemi vendosur një datë sepse martesa nuk është plan por e vendos Zoti”- ka vijuar më tej Almeda.
