Përpara 4 ditësh Almeda Abazi dhe Tolgahan Sayisman u bënë prindër për herë të parë. Çifti i njohur u bekuan me një djalë, të cilin e pagëzuan me emrin Efehan.
Pavarësisht se Almeda nuk ka publikuar ende një foto të vogëlushit, ajo ka ndarë me të gjithë një detaj shumë interesant. Bukuroshja shqiptare ka treguar se ka vendosur të ruajë qelizat staminale të kordonit kërthizor të djalit, të cilat sot konsiderohen si dhuratë e çmuar. Almeda ka publikuar një fotografi në ‘Instagram’ dhe përkrah saj ka shpjeguar: “Qelizat staminale të kordonit kërthizor të mbledhura gjatë lindjes së fëmijës mund të përdoren për vetë fëmijën apo edhe për pjesëtarë të tjerë të familjes. Këto qeliza mund të mblidhen vetëm në lindje, por të përdoren për gjithë jetën”, ka treguar Abazi.
https://www.instagram.com/p/BxSMjktlCAl/
Qelizat staminale të kordonit kërthizor tashmë po përdoren nga shkenca për të luftuar sëmundje serioze tek njerëzit. Ato cilësohen si qeliza unikale, sepse mund të mblidhen vetëm kur pritet kordoni që lidh nënën me fëmijën dhe kjo nuk është metodë e dëmshme. /revistawho.com
