Almeda Abazi është bërë si fillim shumë e njohur në Shqipëri me pjesëmarrjen e saj në disa kompeticione bukurie dhe është shpallur edhe ‘Miss Globe Universe’ në vitin 2008. Së fundmi, Almeda është rikthyer sërish në Shqipëri, por këtë herë në rolin e moderatores së spektaklit më të madh të kërcimit ‘Dancing With the Stars’.
Duke qenë se ajo duhet të jetë çdo të premte prezente në ekran, Almeda duhet të ketë një pamje të kuruar në çdo detaj. Për këtë gjë ajo tregon kujdes shumë të madh vetë. Me disa video në ‘Instagram’, Almeda na ka treguar se për të pasur fytyrë të freskët dhe me shkëlqim bën një maskë shumë të thjeshtë në kushte shtëpie. Ajo përdor kos dhe uthull molle. Pasi i trazon mirë në një tas që të krijohet një masë homogjene mund të përdoret si maskë për fytyrën. Ndoshta nuk i keni provuar asnjëherë këta dy produkte bashkë, por për Almedën ka funksionuar dhe ju mund ta provoni. /revistawho.com
