Ish-missi me origjinë shqiptare Almeda Abazi zbuloi disa javë më parë lajmin e bukur të pritjes së ëmbël. Ajo e konfirmoi lajmin për ‘RevistaWho.Com’ dhe më vonë tregoi se është në pritje të një djali.
Më e lumtur se kurrë për gjithçka po përjeton, Almeda ka gjetur pak kohë edhe për ndjekësit e saj në ‘Instagram’, të cilëve ju ka dhënë mundësinë të bëjnë pyetje për të shuar kuriozitetin. Sigurisht një pjesë e mirë e pyetjeve lidheshin me shtatzëninë, por përgjigjet e saj rreth kësaj teme kanë qenë të pakta.
Me siguri keni pyetur veten pse Almeda nuk ka publikuar ende foto me barkun e rrumbullakosur, por edhe për pak kohë duket se bukuroshja e ekranit do qëndrojë diskrete për këtë pjesë. Njëri prej ndjekësve e ka pyetur në cilin muaj është, ndërsa të tjerë e kanë pyetur për ushqimet dhe kilet e fituara.
Almeda ka zbuluar se sapo ka hyrë në muajin e 5-të dhe ha çdo gjë, prandaj e shmang bisedën për këtë temë. Shumë janë kuriozë të shohin si duket me barkun e rrumbullakosur, por Almeda shkruan me shaka se duket si një balenë, duke lënë të kuptohet se nuk ka ndërmend të publikojë foto edhe për ca kohë./revistawho.com
