Njihuni me listën e benefiteve shëndetësore të Aloe Verës, të cilat ndoshta nuk i dinit:
1.Detoksifikim
Nëse dëshiron t’i bësh detoks trupit, atëherë Aloe Vera është njëra nga mënyrat më të mira natyrale për ta bërë. Është me rëndësi të pastrojmë sistemin tonë, për shkak të ndotjes ambientale dhe stresuese. Mineralet, elementet dhe vitaminat prezente të Aloe Verës na ndihmojnë që të përballemi më mirë me stresin.
2.Përmirësim i tretjes
Është e rëndësishme të mbajmë sistemin e tretjes të shëndetshëm. Aloe Vera ndihmon, duke shtuar absorbimin e proteinave dhe përmirëson sistemin e jashtëqitjes. Gjithashtu, ndihmon në eliminimin e baktereve jo miqësore që kemi në zorrë. Është gjithashtu efektive në lehtësimin e problemeve të tretjes, si urthi (djegia e stomakut)
3.Mund të shkatërrojë tumoret
Xheli i Aloe Verës ndihmon në forcimin e funksionit të sistemit të imunitetit dhe shkatërrimin e tumoreve. Një studim i publikuar në “International Immunopharmacology” (1995) tregon se polisakaridet, që përmban Aloe Vera tregojnë aktivitete potente aktivizuese, duke përfshirë këtu edhe shtimin e prodhimit të oksidit nitrik (që ka potencial antitumor).
4.Stabilizon sheqerin në gjak
Xheli i tharë nga Aloe Vera ndihmon të ulim sheqerin ne gjak. Është vëzhguar se diabetikët që kishin marrë Aloe Vera për 3 muaj rresht, kishin përjetuar rënie në nivelet te sheqerit në gjak dhe përmirësim në kolesterolin total. Janë kryer disa studime të tjera, që tregojnë se Aloe Vera ka përbërës kundër diabetit.
5.Riparues kolagjeni
Aloe Vera është shumë e mirë për riparimin e kolagjenit. Lëngu i saj furnizon materialin e duhur përgjegjës për mirëmbajtjen dhe prodhimin e lëkurës së shëndetshme. Blloqet ushqyese të Aloe Verës ndihmojnë në luftimin e efekteve të plakjes. Gjithashtu zbut djegiet e vogla, prerjet, gërvishtjet dhe irritimet e lëkurës.
6.Përmirësim i shëndetit dental
Aloe Vera është e dobishme për mirëmbajtjen e shëndetit të dhëmbëve dhe mishit të tyre. Veprimet e saj antibakteriale dhe antimikrobiale ndihmojnë shërimin. Ka disa pasta me xhel të Aloe Verës, për dhëmbë që përmbajnë vetëm Aloe Vera e që ndihmojnë për eliminimin e problemeve të gjakderdhjes nga mishi i dhëmbëve dhe ulcerave të gojës.
7.Shëndeti kardiovaskular
Ka pasur disa studime, që kanë treguar se kur ekstrakti i Aloe Verës injektohej në gjak, shtonte transportimin e oksigjenit dhe aftësinë e përhapjeve të qelizave të kuqe të gjakut. Në një studim, u arrit në përfundimin se Aloe Vera ndihmon në zvogëlimin e sëmundjeve të zemrës dhe kolesterolit të lartë, pasi përmirëson oksidimin dhe qarkullimin e gjakut. Gjithashtu, e bën gjakun më pak të ngjitshëm.
8.Humbisni në peshë
Duke ditur se Aloe Vera ndihmon sistemin e tretjes, ajo gjithashtu ka përbërës që ndihmojnë luftimin e lodhjes, plogështisë së shkaktuar nga dietat tona. Mund të të bëjë të ndihesh më mirë dhe të mbani peshën ideale. Aloe Vera mund të shtojë nivelet e energjisë dhe të mban të freskët e aktiv.
9.Ndalon dhimbjet e nyjeve
Efekti ka të bëjë me përdorimin e jashtëm dhe brendshëm të Aloe Verës. Aloe është përgjegjëse për zvogëlimin e pezmatimit dhe largimin e saj. Shmangni mishin e kuq dhe ushqimet e fërguara, sepse këto stimulojnë pezmatimin dhe kjo mund të zvogëlohet me Aloe Verën. Kjo do t’ju ofrojë lehtësim të dhimbjeve të nyjeve dhe muskujve.
10.Hidratant natyral
Aloe Vera ka përbërës natyralë hidratues,që ndihmojnë në mirëmbajtjen e lagështisë së lëkurës. Mban njomësinë e lëkurës dhe shton elasticitetin, forcon indet e lëkurës dhe e mban atë të shëndetshme dhe vezulluese. Është perfekte për lëkurë të yndyrshme, pasi e ushqen lëkurën tuaj pa e bërë edhe më të yndyrshme se ç’është.
Bima liron vitaminat dhe enzimat natyrale në lëkurë, gjë që ndihmon në mirëmbajtjen e pehashit në të.
