Altin Shira ka bërë një rrëfim të sinqertë dhe tejet prekës i ftuar në “S’e luan Topi”. Artisti mori një videomesazh nga djali i tij i madh dhe teksa shihte videon Altini nuk i mbajti dot lotët. Ai rrëfeu se i mungon djali pasi prej 2 vitesh e gjysmë ai jeton në Amerikë ku ka ndërtuar familjen e tij.
“U bë gati 2 vite e gjysmë që ka ikur në Amerikë. Kështu është jeta. Shyqyr që është mirë atje ku është. Ka dhe një bashkëshorte shumë të mirë që e përshëndes. Djalë i mrekullueshëm. Jam munduar të jem baba i mirë me të dy djemtë. Jam munduar t’i edukoj në mënyrën më perfekte”, tha mes lotësh Altini.
