Robert Aliaj njihet si një ndër personazhet më ekspresiv të ekranit shqiptar. Është ndër të paktët që shpreh gjithmonë hapur mendimet e tij që në të shumtën e rasteve kanë shkaktuar edhe debat.
Roberti ishte i ftuari i radhës “Në kurthin e Piter Pan” dhe aty ai na zbuloi një anë të panjohur të tij, jashtë artistit kontrovers. Roberti është baba i dy fëmijëve një djali dhe një vajze që kanë një diferencë shumë të madhe në moshë nga njëri-tjetri dhe kjo gjë mesa duket ka ndikuar keq në shëndetin e gruas së tij. Roberti u pyet se si e ka përjetuar shtatzëninë e dytë të gruas së tij, duke qenë se ata prisnin një fëmijë tjetër pas shumë vitesh. “Mimoza pati shtatzëni të vështirë dhe unë ndryshova pozicionin e gjumit për t’u kujdesur. Flija me kokën nga këmbët, sepse i bëja bashkëshortes masazh nga këmbët për hipertensionin. Për 8 muaj me radhë jam kujdesur për të.”, – ka treguar Roberti.
Megjithatë tani kjo gjë ka kaluar dhe si vajza dhe bashkëshortja e artistit gëzojnë shëndet të plotë dhe shijojnë jetën e lumtur në familje. /revistawho.com
