E mbani mend një djalë që shfaqej në klip nëpër rrugët e Tiranës i veshur si ëngjëll? Kjo gjetje interesante duket se e ka dalluar atë prej të tjerëve, padiskutim, por edhe për vokalin e tij. Bëhet fjalë për këngëtarin Marsid Sulova i njohur ndryshe me emrin artistik “Anaid” dhe ka disa vite që ka jehohën e tij në showbizin shqiptar.
25 vjeçari simpatik e ka nisur karrierën e tij muzikore me ritmet house përmes klipit “Buzëqesh” ku shfaqet me maska për të fshehur imazhin. Ai ka vazhduar më tej me klipin “Habibi” ku ndërthur tingujt spanjollë me ato orientale, stad ky që i dha një tjetër dimension artistit.
Festivali i muzikës moderne “Top Fest 12” i dha atij një trampolinë të re me këngën “Vetëm” përmes ritmeve r&b dhe festivali “Kënga Magjike 2015” me “Zemrën ta du” të ritmeve Dance Hall, klipi i së cilës është lançuar në youtube disa ditë më parë.
I pëlqen të eksperimentojë ne look, zhanër dhe realizimin e klipeve sidomos tek “Zemrën ta du” ku shfaqet me gjeste provokuese dhe tejet ndjellëse. Ky është vetëm fillimi i tij pasi këngëtari ka të tjera projekte të vëçanta ne mendje për t`i shfaqur të realizuara përgjatë 2016-s.
Anaidi ka studiuar për 8 vite në liceun artistik dhe aktualisht ndjek fakultetin në Shkencat Sociale. Ai i kushton një rëndësi të madhe edhe palestrës dhe këtë e tregojnë dhe format e tij trupore mjaft të tonifikuara.
