Andos është një nga kantautorët më të mirë të zhanrit (pop) rock nga Kosova, por edhe një kitarist mjaft profesionist. Andos ka lançuar prej dy javësh klipin e tij më të ri “Dëgjo zemrën time që të do”, për muzikën e së cilës është përkujdesur vetë këngëtari. I xhiruar në një nga vëndet më të bukura të SHBA-ve, “Four Corners” aty ku takohen katër shtete, Andos shpalos edhe një herë talentin e tij të rrallë për muzikën e vërtetë. Pyetur se çfarë përjetin teksa dëgjon këngët e sotme dhe a janë cilësore ai përgjigjet:
“Mundohem të dëgjoj vetëm muzikë të mirë, mirëpo vërej shumë kuantitet, copy-paste dhe nganjëherë edhe degradim. Mendoj që mediat duhet të fillojnë seriozisht t`i japin filtra kreativitetit të këngëtareve dhe të ndalojnë transmetimin e materialeve të vjedhura”.
Burimi: Gazeta Paloma
