Andresa Ambrosio është bërë nënë për herë të parë. Andresa ka dhënë lajmin e bukur me një foto të publikuar në Instastory ku shihet dora e saj që mban dorën e vogëlushit. Krah imazhit, ajo ka vendosur një këngë mjaft domethënëse, “Mi prendero cura di te”, duke i dhënë premtimin të voglit të saj se do të kujdeset gjithmonë për të. Pak kohë më parë Andresa rrëfeu rrugëtimin e saj të ëmbël në një intervistë për Revista Who.
“Ne kishim kohë që po përpiqeshim të bëheshim prindër. Shtëpia jonë ishte plot me teste shtatzënie. Sapo e kuptova se testi ishte pozitiv, ia thashë menjëherë Mirkos. Këto muaj kanë qenë magjikë. E uritur gjithë kohës. Nuk mund të shihja njerëz duke ngrënë sepse iu kërkoja ta ndanin me mua”, ka treguar ndër të tjera Andresa.
