Anëtarja e ‘AMA’, Suela Musta ka qenë pasditen e sotme e ftuar tek Rudina Magjistari. Ajo u shfaq në studio së bashku me lulen tipike të ditës së verës, në formë falanderimi dhe mirënjohje për punën dhe misionin jo pak të lehtë të gazetarëve në këto ditë të vështira për të gjithë.
Musta shprehu vlerësimin e saj për të gjithë ata që janë gjendur në punë këto ditë dhe u shpreh se kjo situatë është tejet e vështirë për vajzat, gratë dhe nënat e reja që bëjnë gazetarinë e terrenit në këtë sfidë të madhe jo vetëm për sigurinë e tyre fizike por dhe kushtet e karantinës së shoqërisë në tërësi ndonëse ka theksuar se e rëndësishme është që të mos ketë karantinim të informacionit dhe komunkimit mbi sëmundjen në këtë situatë.
Znj. Musta pohoi se mediat audiovizive, por dhe ato ‘online’ po punojnë me profesionalizëm dhe me etikë si dhe televizionet po respektojnë udhëzimet e ‘AMA-s’ për transmetim dhe publikim sa më të shpeshtë të spoteve dhe fushata ndërgjegjesuese të publikut mbi masat shtrënguese parandaluese të ‘Corona Virus’.
Sipas Suela Mustës, rasti i Italisë ku bordi i profesorëve të spitalit më të madh infektiv ‘Spalanzzani’ del çdo ditë me komunikatë dhe konferencë për mediat duhet të importohet në Shqipëri pasi teleshikuesit besojnë shkencën dhe dijen më shumë sesa qëndrimet e institucioneve mbi sëmundjen./revistawho.com
