Supermodelja me origjinë nga Shkodra, e me famë botërore Angela Martini ka vendosur këtë prag festash të bëjë një dhuratë shumë të veçantë për Shtëpinë e Fëmijës në Shkodër. Një nga mjediset e këtij institucioni është rikonstruktuar për të ndërtuar dhomën e fëmijëve me nevoja të veçanta.
“Kush jep, merr më shumë! Fundviti është koha e duhur për dhurata dhe shkodranja më e mirë që njoh, nuk e ka ndër mend t’i ndalë dhuratat e saj për qytetin ku u lind. Këtë herë, falë iniciativës së Edona Bilalit me mbështetjen e #AngelaMartiniFoundation ndërhymë për të ndërtuar dhomën e fëmijëve me nevoja të veçanta në Shtëpinë e Fëmijës 0-5 vjeç – Shkodër. Faleminderit Angela për modelin dhe frymëzimin. Kyree është krenar me ty dhe bashkë me të, të gjithë ne. Shkodra të don”, shkruan Eraldo Rexho krah postimit ku së bashku me deputeten e qarkut Shkodër, Edona Bilali kanë vizituar Shtëpinë e Fëmijës dhe mjedisin e veçantë të këtij institucioni mundësuar nga Angela.
View this post on Instagram
