Tërmetet e njëpasnjëshme ditën e djeshme i kanë shqetësuar jo pak të gjithë banorët brenda dhe jashtë kufirit së Shqipërisë. Së fundmi ka qenë modelja e njohur, Angela Martini ajo e cila ka shprehur keqardhjen e saj lidhur me këtë ndodhi të orëve të fundit. “Sapo mësova për tërmetin e fortë që tronditi dje Durrësin, Tiranën, Shqipërinë time. Uroj me zemër sa më pak dëme. Zoti i pastë në mbrojtje shqiptarët”, ka shkruar Martini krah postit më të fundit në ‘Instagram’ ku dallohen një prej pamjeve të shkëputura gjatë orëve të tërmetit.
Në foton e Angela-s kanë mbërritur menjëherë komente sensibilizuese, pasi ngjarja dje u komentua edhe jashtë vendit tonë. Ndonëse zakonisht modelja publikon pamje të ndryshme nga jeta e saj, kësaj here zgjodhi që me anë të hapsirës në rrjetet sociale të shprehte publikisht keqardhjen e këtij momenti./revistawho.com
