Angelina del në mbrojtje të ish bashkëshortit të saj

Mesa duket Brad Pitt nuk është krejtësisht i vetëm në procesin e divorcit dhe kontrolleve rutinë të cilave ai po i nënshtrohet. Një burim për “TMZ” ka treguar se Angelina nuk do të bashkëpunojë me autoritetet përkatëse nëse ata vendosin një urdhër arresti për ish bashkëshortin e saj, përsa i përket akuzave të mundshme për dhunë ndaj femijëve të tij. Angie është shprehur se qëllimi i saj i vetëm është të mbrojë fëmijët e saj e jo të dënojë Brad Pitt, duke treguar në këtë menyrë një farë mbështetjeje dhe respekti për aktorin. Momentlaisht nuk ka fakte të forta që vërtetojnë se Pitt është fajtor por megjithatë hetimet vazhdojnë dhe ai nuk mund të takojë asnjë nga fëmijët e tij në qoftëse nuk ja lejon Angelina.