Angelina dhe Brad ndahen përfundimisht nga njëri-tjetri, gati të marrin ligjërisht statusin si beqar

Angelina Jolie dhe Brad Pitt prej vitesh i kanë dhënë fund marrëdhënies së tyre, por tani priten që të marrin përfundimisht statusin si beqar. Sipas “The Blast” dyshja e njohur po negociojnë për një gjykim të dyfishtë, që do i lejonte të divorcoheshin ligjërisht, të ndanin gjithë pasuritë e tyre dhe të arrinin në një marrëveshje përfundimtare për kujdestarinë e fëmijëve. Burimet kanë shtuar se Angelina dhe Brad nuk duan të figurojnë më si të martuar me njëri-tjetrin, sepse dëshirojnë të vazhdojnë jetën e tyre të lirë. Kohët e fundit është vënë re se Angelina ka qenë shumë e qetë emocionalisht, duke qëndruar gjatë gjithë kohës në shoqërinë e fëmijëve. Ndërkohë Brad është shumë i fokusuar në karrierë dhe nuk dëshiron që divorci me Angelinan të ndikojë më në jetën e tij. /revistawho.com