Angelina Jolie “arratiset” në fshehtësi drejt Meksikës, shijon ditët e pushimit me fëmijët

Angelina Jolie së fundmi ka nisur xhirimet e filmit më të ri të zhanrit ‘thriller’, “Those who wish me dead”, në Albuquerque në New Mexico. Aktorja e njohur në fakt nuk ka vendosur të heqë dorë nga familja e saj për shkak të punës, por së bashku me fëmijët po qëndron në Albuquerque për të bërë edhe disa ditë pushime. Megjithatë Angelina është munduar që këtë gjë ta mbajë sa më të fshehtë, sepse dëshiron ta shijojë në maksimum kohën me fëmijët e saj. Burime për “Hollywood Life” kanë treguar se: “Askush nuk e dinte se ata ishin atje, kështu që fëmijët e Angelina kaluan shumë bukur, sepse ishin në privatësi dhe liri të plotë. Njerëzit i lenë të qetë kudo që shkojnë në qytet. Është e dukshme se atyre po ju pëlqen shumë ky ndryshim se janë parë duke qeshur nëpër qytet”. Vitet e fundit nuk kanë qenë më të mirët për familjen e Angelian Jolie dhe Brad Pitt, për shkak të problemeve të shumta që lindën pas divorcit të dy aktorëve. Megjithatë ata të dy duket se i kanë hedhur pas krahëve të gjitha dhe tashmë fokusi kryesor është lumturia e fëmijëve. /revistawho.com