Angelina Jolie habit të gjithë me deklaratën e saj: Kurrë mos thuaj kurrë

Aktorja e njohur, Angelina Jolie, ka pranuar për revistën ‘People’ se ajo nuk e përjashton mundësinë se në një të ardhme të afërt mund të përfshihet në politikë.
43-vjeçarja është shprehur se pasioni i saj është të luftojë për të drejtat e femrave dhe të refugjatëve. Jolie shtoi se nëse do t’i kishin bërë këtë pyetje 20 vjet më parë, ajo do të qeshte.
Kujtojmë se Angelina mori pozicionin si ambasadore në komisionin për refugjatët në vitin 2001. Që prej atij momenti aktorja ka punuar për këto kauza në gjithë botën dhe nuk ka nguruar të ndihmojë njerëzit në nevojë.
Po ashtu ajo ka qenë një ndër yjet e hollivudit, që ka adoptuar shumë fëmijë dhe i ka mirëpritur në familjen e saj./revistawho.com