Aktorja me famë botërore, njëherësh e dërguara speciale e OKB-së për refugjatët, Angelina Jolie, ka paralajmëruar se sistemi ndërkombëtar humanitar për refugjatët po shkon drejt thyerjes.
Deklarata e Jolie-së u bë gjatë një programi televiziv në BBC, program që pati në fokus çështjet e migracionit global. Aktorja theksoi se s’duhet të kemi frikë ndaj emigrantëve dhe nuk duhet të mbyllim kufijtë përballë refugjatëve ilegalë.
“Më shumë se 60 milionë njerëz, ose 1 në 122 të tillë, janë zhvendosur në mbarë globin, më shumë se kurrë më parë në 70 vitet e fundit”- ka theksuar aktorja.
Jolie shprehu shqetësim mbi paqen dhe sigurinë e botës, duke shtuar: “Koha mesatare që i duhet një personi për t’u zhvendosur diku tjetër është rreth 20 vite”.
