Ka dhënë gjithmonë përshtypjen si aktorja më zemërmirë dhe më filantrope, por aktori Burt Reynolds ka zbuluar një anë të errët të aktores së famshme Angelina Jolie, duke treguar më shumë për marrëdhënien e saj me të atin.
I ftuar në programin “Loose Women”, aktori 79-vjeçar ka treguar se “ai nuk e meriton këtë mënyrë trajtimi” që Jolie po i bën të atit.
I gjendur për një kohë të gjatë në marrëdhënien e trazuar “atë e bijë”, Reynolds tha se i ati i aktores 40-vjeçare është lënduar shpeshherë nga e bija “Ai është njeri shumë i mirë, unë e dua shumë. Jon nuk e meriton mënyrën si po e trajton e bija Angelina Jolie” transmeton Telegrafi.
“Ata janë pajtuar, por ajo akoma vijon të ketë momentet e saj. E mbaj mend shumë mirë kur Angelina ishte vetëm 10 vjeç kur e takova. Në atë kohë i kam thënë Jon-it: “Je në telashe të mëdha, ajo do të bëhet e egër. Shpresoj që mos të të lëndojë.”
Angelina dhe Jon patën një tronditje të madhe publike, qysh në vitin 2002, kur i ati e akuzoi se kishte “probleme serioze mendore.”
Edhe pse Angelina dhe i ati u pajtuan në vitin 2010, Jon nuk ka qenë i ftuar në dasmën e saj në vitin 2014 me Brad Pitt.
