Aktorja e njohur, Angelina Jolie, ka zbuluar së fundmi në një intervistë për ‘Eonline’ se kjo kohë nuk ka qenë periudha më e mirë për të. “Unë jam si çdo njeri tjetër, specifikisht vitet e fundit nuk kanë qenë shumë të lehta dhe unë nuk jam ndjerë shumë e fortë. Kur nuk ndihesh e fortë, atëherë ti e shtyn veten për t’ia dalë”, ka pohuar 44-vjeçarja gjatë intervistës së dhënë. Angelina shtoi se është e lumtur që ka mundur të luajë karaktere si ai në filmin ‘Maleficent’ apo ‘Marvel’, pasi këto role i kanë kujtuar se duhet të jetë e fortë.
Jolie pohoi gjithashtu se dëshiron që dhe të gjithë njerëzit të gjejnë forcën e tyre teksa shohin këto filma ku ka luajtur aktorja.
Vetëm pak ditë më parë Angelina përcolli djalin e saj më të madh, Maddox për të vazhduar studimet e larta. Në një video të publikuar në ‘Instagram’, aktorja u shfaq me sytë e mbushur me lot gjatë kohës që ishte pranë djalit të saj duke biseduar me një grup studentësh./revistawho.com
