Gjyqi i divorcit mes Brad Pitt dhe Angelina Jolie i cili vazhdon prej 8 vitesh përfshin dy çështje të rëndësishme: pronësinë e Château Miraval në Francë dhe kujdestarinë e fëmijëve.
Beteja ligjore duket se ka shkaktuar vuajtje të thella për prindërit e Brad Pitt, William dhe Jane Pitt, të cilët nuk kanë pasur mundësinë të shohin nipërit dhe mbesat e tyre për gati një dekadë.
Ndërsa tani, William dhe Jane, të dy mbi 80 vjeç, kanë frikë se mund të mos kenë më kurrë mundësinë të shohin nipërit e tyre. Një burim i afërt me familjen ka thënë:
“Përgjithësisht, gjyshërit ishin shumë të përfshirë në jetën e fëmijëve. Është shumë trishtueshme të shohësh që kjo ka ndryshuar. Është e dhimbshme që ata, si baballarë dhe gjyshër, nuk mund të kalojnë më kohë me fëmijët e tyre.”
Edhe pse arsyeja e saktë nuk dihet, prej vitesh ka patur aludime që Angelina po i ndanë fëmijët nga babai i tyre, madje marrëdhënia e Brad me fëmijët e tij është përkeqësuar deri në pikën që ai nuk ka ‘praktikisht asnjë kontakt’ me tre më të mëdhenjtë.
Zahara hoqi ‘Pitt’ nga mbiemri i saj në nëntor 2023, përpara se Vivienne të ndiqte shembullin e saj në qershor të këtij viti. Shiloh iu bashkua atyre në gusht kur ajo pagoi që avokati i saj të hiqte zyrtarisht ‘Pitt” nga emri i saj.
