Angelina Jolie nuk mund të jetojë larg të birit: Kam nevojë për një përqafim

1 muaj më parë Angelina Jolie përjetoi një nga momentet emocionuese, duke qenë se ju desh të përcillte djalin e saj, Maddox, në universitet. Videot ku Angelina shfaqej duke qarë për largimin e djalit bënë xhiron e rrjetit dhe të gjithë u prekën njësoj si aktorja e njohur. Siç duket Jolie e ka vërtetë shumë të vështirë të qëndrojë larg Maddox, ndaj ka vendosur që për pak ditë të takohet sërish me të. “Ai do të udhëtojë me avion për në Japoni që të më takojë mua. Jam dy ditë larg përqafimit me të. Ai është mirë. E di që ai është i fortë, është në rregull, por unë kam nevojë për një përqafim”, është shprehur Angelina për “Extra” në premierën e filmit “Maleficent Mistress of Evil”. Aktorja e ka përjetuar keq këtë largim, pasi ajo ka pasur gjithmonë një lidhje shumë të fortë me djalin, sidomos pas ndarjes nga Brad Pitt. Madje Maddox ishte ai që ndikoi me tepër për ndarjen e tyre, sepse Angelina vendosi të divorcohej nga Brad pasi ai pati një zënkë të ashpër me të birin në vitin 2016. Pas atij momenti marrëdhënia mes Pitt dhe Maddox u ftoh shumë dhe prandaj aktori e mësoi përmes mediave se djali i tij do të niste shkollën e lartë. /revistawho.com