Angelina Jolie ka një lidhje shumë të ngushtë me fëmijët e saj dhe siç duket e ka të vështirë të jetojë larg tyre. Së fundmi aktorja e njohur është shfaqur e prekur, pasi ka përcjellë djalin e saj 18-vjeçar, Maddox për të ndjekur studimet e larta. Në një video të publikuar në ‘Instagram’ Angelina shfaqet me sytë e mbushur me lot gjatë kohës që është pranë djalit të saj duke biseduar me një grup studentësh.
https://www.instagram.com/p/B1bcHsVlaZc/?utm_source=ig_embed
“Po përpiqem të mos qaj”, dëgjohet të thotë Angelina në video. Maddox do të ndjekë studimet e larta në Korenë e Jugut në universitetin Yonsei në Seul dhe Angelina ka treguar se ai do të bëjë një jetë të thjeshtë si gjithë të tjerët në konvikt. Aktorja ka qëndruar për një ditë në Kore dhe më pas është larguar për t’u rikthyer tek fëmijët e tjerë. Ajo çfarë është vënë re nga të gjithë ka qenë mungesa e Brad Pitt, i cili nuk është përfshirë në këtë moment të rëndësishëm të djalit të tij. Në fakt kjo vjen për shkak të ftohjes së marrëdhënies mes Brad dhe Maddox, sepse babë e bir vitet e fundit nuk kanë pasur shumë komunikim me njëri-tjetrin. Madje burime pranë tyre kanë zbuluar se Pitt as që e dinte se djali i tij do të ndiqte studimet e larta në Seul dhe se gjatë kësaj vere e mësoi këtë gjë. /revistawho.com
