Angelina Jolie së fundmi foli për udhëtimin emocional që kaloi ndërsa po përgatitej për rolin e saj si këngëtare operistike Maria Callas në filmin e ardhshëm biografik Maria.
Në një intervistë për Vogue Mexico, aktorja shpjegoi se si procesi i të mësuarit të operës e ndihmoi të përballej dhe të çlironte dhimbjen personale të mbajtur prej kohësh, duke përfshirë divorcin e saj të vështirë nga Brad Pitt.
Si pjesë e intervistës, Angelina pozoi për një seri fotosh për fotosesionin shoqërues me Vogue Mexico e veshur një pardesy me çizme deri tek gjuri.
Jolie, 49 vjeçe, zbuloi se si këndimi e lejonte të hynte në një pjesë më të thellë të vetes, duke thënë se ishte një mënyrë për të shprehur emocionet që i kishte ndrydhur për vite me radhë.
“Më duhej të lëshoja zërin tim të vërtetë…i cili mbarte dhimbjen time personale”, tha ajo.
