Angelina ‘sakrifikon’ për pushimet, e bën këtë për Brad-in dhe fëmijët

Të gjithë e dinë se Angelina Jolie është e ‘fiksuar’ pas udhëtimeve dhe nuk humbet rast për të kaluar kohë të bukur me fëmijët e saj. Por duket se për këtë Krishtlindje ajo ka vendosur të qëndrojë në Los Angeles dhe arsyeja është fare e thjeshtë. Ajo dëshiron që fëmijët të takojnë babain e tyre me rastin e festave. Një burim i brendshëm thotë për ‘HollywoodLife’ se Angelina mendon se është e rëndësishme që fëmijët ta shohin babanë e tyre për Krishtlindje, kështu që ajo është siguruar që të jetë në LA për pushimet. Kështu ndodhi edhe vitin e kaluar, pasi aktorja dëshiron që fëmijët të kalojnë kohë me të dy. Megjithatë vlen të përmendet se marrëdhënia e saj me Brad nuk është akoma më e mira.