Ju i njihni dy aktorët e famshëm të shumë serialeve meksikane, Angelique Boyer dhe partnerin e saj Sebastián Rulli. Së fundi, në ekranet meksikane dhe ato spanjolle po transmetohet seriali i tyre i ri ‘Tres veces Ana’, një prej më të priturve nga publiku.Por gjithashtu e dini se Angelique Boyer dhe Sebastián Rulli jetojnë një romancë të bukur në jetën e tyre private. Janë të pafundme deklaratat e dashurisë që ata të dy i bëjnë njëri-tjetrit edhe në rrjetet sociale.Ditët e fundit, pas një periudhe pushimi pas xhirimeve të serialit, dy aktorët kanë udhëtuar drejt Spanjës për të kaluar disa ditë me familjen e aktorit. Mes shumë fotove dhe videove që kanë postuar në profilet e tyre, ylli i serialit “Teresa” ka treguar se sa e lumtur është ndier pranë familjes Rulli. Në një foto ku Angelique ka dalë bashkë me partnerin e saj dhe me dy prindërit e tij, shkruan: “Është bukur të ndjesh se je pjesë e një dashurie, e një çifti, e një ekipi, por është shumë më bukur të ndjesh se je pjesë e një familjeje. Zoti ju bekoftë gjithmonë familja Rulli. Faleminderit që më mirëpritët me kaq shumë dashuri! Ju dua!”
Angelique Boyer dhe Sebastian Rulli janë vlerësuar me shumë ҫmime në Meksikë për rolet e tyre në seriale të ndryshme. Në këtë kohë ata janë duke shijuar suksesin e ‘Tres veces Ana’ dhe Rulli, së bashku me aktoren Roselyn Sanchez, janë nominuar gjithashtu edhe për ҫmimet latine, Grammy 2016.
