Aktorët indian Surbhi Chandna dhe Nakuul Mehta u bënë shumë të famshëm në Shqipëri nga seriali “Bixhoz me dashurinë”, ku luanin rolin e Anikës dhe Shivait. Pas mbarimit të këtij seriali, dy aktorët kanë vazhduar me projekte të reja televizive dhe Surbhi, e njohur si Anika aktualisht luan në një nga serialet më të ndjekur në Indi. Së fundmi aktorja është veshur nuse për të xhiruar episodet e reja të serialit “Naagin”. Surbhi postoi disa foto në Instagram ku shfaqej me fustanin e kuq, ashtu siç e do tradita indiane. Aktorja shkroi se ka bërë kaq shumë dasma në rolet e saj, sa nuk e di çfarë do ndodhë kur të ketë dasmën e saj të vërtetë. “Nuk mbaj mend sa shumë dasma kam bërë në televizion, por çdo herë më emocionon të vishem nuse. Vetëm Zoti e di çfarë do ndodhë në dasmën time të vërtetë”-shkruan aktorja. Por vëmendjen e ka marrë komenti i kolegut të saj, aktorit Nakuul Mehta, i njohur si Shivai. “Epo tani është koha të bësh një dasmë të vërtetë”-komentoi aktori duke shkaktuar të qeshura dhe komente të shumta nga ndjekësit./revistawho.com
