Përfaqësuesja e Shqipërisë në Eurosong në vitin 2004, Anjeza Shahini, këtë herë iu rikthehet emocioneve të këtij festivali përmes moderimit. Ajo do të jetë pranë Soctt Mills, në BBC4 për të komentuar gjysmëfinalen e parë të Eurovision-it gjatë së cilës do të këndojë edhe përfaqësuesja e Shqipërisë, Lindita Halimi.
Një ngjarje e veçantë për këngëtaren shqiptare, por ndërkaq media e njohur britanike nuk mund të bënte zgjedhje më të mirë për bashkëkomentuesen e Festivalit, shkruan “Class”, një këngëtare që është ngjitur vetë në atë skenë.
