Ankth dhe frikë në shtëpinë e çiftit, kërcënohet me jetë gruaja e George Clooney-t

Mësohet se në shtëpinë Clooney po jetohet me ankth e me frikë. Siç bën me dije “metro.co.uk”, Amal Alamuddin, bashkëshorte e George Clooney është kërcënuar me vdekje. Gruaja e yllit hollivudian, avokate libaneze, ndodhet në rrezik për shkak të punës së saj. Më konkretisht prej mbrojtjes së Mohamed Nasheed, ish-Presidenti i Maldiveve i dënuar në mars të vitit 2015 me 13 vite burgim. Në vitin 2012 ai dha dorëheqjen pas një tentative për grusht shteti nga forcat e armatosura në vendin e tij, ku nëse kthehet do të arrestohej menjëherë. Ai është klient i Alamuddin dhe shpreson që me ndihmën e saj t’i njihen të drejtat. Kjo ka shkatuar pakënaqësi tek ndonjë tjetër pushtetar dhe për këtë arsye zonja Clooney ndodhet në rrezik. Kjo situatë e ka shqetësuar jo pak burrin e saj aktor. Kështu George ka vendosur të përforcojë sistemin e tyre të sigurisë në rrugën ku jetojnë, “Berkshire” Angli. Këtë e ka deklaruar Paul Harrison, këshilltar i distriktit rajonal “South Oxfordshire: “George mendon se në këtë moment Amal po kalon një situatë shumë delikate. Kërcënimet me vdekje që ka marrë për shkak të punës së saj janë shumë, po shumë serioze. Ai është i shqetësuar se ka njerëz që duan t’i bëjnë keq gruas së tij, ose të paktën ta frikësojnë”. Për këtë arsye çifti ka kërkuar dhe ka marrë në disponim 8 kamera të reja. Ato do të instalohen në shtylla në gjashtë metra lartësi. Ata janë të detyruar të mos largohen asnjëherë nga truprojat e tyre.