Ankthi, një mënyrë shkencore për ta menaxhuar atë

Të gjithë shqetësohemi herë pas here por nëse ankthi juaj është kronik, mendimet shqetësuese ju torturojnë vazhdimisht, mund të ishte e dobishme një strategji kundër një ataku ankthi. Një studim i ri mbi ankthin ka zbuluar se ekzistojnë disa metoda pë t’ia dalë të ndaloni në kohë ndjesi të caktuara shqetësuese. Një studim i universitetit të Sussex , publikuar në gazetën Biological Psychology ka theksuar si hap të parë se duhet të kuptoni se ç’tip ankthi keni. Duket se ka një diferencë të madhe mes atyre që ekipi i hulumtuesve i quan me ankth “normal” dhe “patologjik”. Tek ata që bëjnë pjesë në tipologjinë e parë, simptomat e ankthit zhduken sapo ankthi i tyre të ketë përfunduar së shërbyeri qëllimit të tij. Nëse keni menduar se të shqetësohesh është një humbje totale e kohës, në fakt, ekipi i studiuesve nënvizon që nuk është kështu: disa lloje shqetësimesh mund të kenë një finalizim të dobishëm sepse ndihmojnë në “zgjidhjen e çështjeve të jetës së përditshme që perceptohen si probleme”, veprojnë si një “tentativë për të riparuar humorin negativ”, funksionojnë si një instrument i cili kërkon të sigurojë “se nuk do të ndodhin gjëra të këqija ose për të parandaluar fatkeqësi të së ardhmes”. Tipologjia “patologjike” e ankthit karakterizohet nga një “qasje perfeksioniste” e cila mund të çojë individin që vuan në një analizë obsesive e realitetit. Pasi të keni identifikuar se nga ç’lloj ankthi vuani, ekipi i studiuesve beson se një veprim i thjeshtë mund t’ju ndihmojë: duhet të përpiqeni të kapërceni mendimet negative duke i shkruajtur e zeza mbi të bardhë. “Të mendosh të ndalësh së shqetësuari kur nuk ja del dot më me ankthin, në vend që ta bësh kur ai e ka përfunduar udhën e tij të natyrshme, mund të jetë e dobishme”, shprehet Christian Jarret, një prej autorëve të studimit. Kështu që herën tjetër që do të ndiheni të zhytur në shqetësime, rrëmbeni ditarin tuaj edhe shkruani!/ikub.al