Dyshja e famshme italiane Anna Tatangelo- Gigi D’Alessio nuk janë imunë ndaj thashethemeve, përkundrazi. Në muajt e fundit çifti i artistëve po përflitet shpesh për një krizë e madje edhe për ndarje. Gigi i është përgjigjur ashpër gazetarëve duke i thënë që “nëse kanë nëvojë të ushqehen të shkojnë ta pyesin e jo të shkruajnë idiotësi”. Ndërsa Anna është treguar më e përmbajtur. Duke folur për të përjavshmen “Chi” ajo nuk mohoi që kanë pasur probleme:
“Kemi pasur ulje-ngritje, nuk e fsheh. Por i keni kaluar bashkë, falë respektit që na lidh dhe rëndësisë së marrëdhënies sonë. Ka pasur shumë sprova që kemi kaluar, jam kujdesur për burrin tim në momente të vështira. Gigi ka humbur njerëzit më të rëndësishëm të jetës së tij dhe unë jam bërë edhe më shumë pikë referimi për të, ashtu si edhe ai për mua”./ revistawho.com
