Aktorja e njohur amerikane, Anne Hathaway i ka surprizuar të gjithë me ndryshimin e saj më të fundit në ‘look’. Për shumë dekada ajo i ka mbajtur flokët e gjata, ndërsa së fundmi ka vendosur t’i presë shkurt deri tek shpatullat.
Ky model u realizua nga parukieri i yjeve të ‘Hollywood’, Air Abergel, i cili publikoi një foto të 36-vjeçares në ‘Instagram’. Me këtë stil të ri Anne ka rikthyer modën e viteve ’70 dhe të gjithë fansat nuk kanë nguruar ta komplimentojnë aktoren për pamjen e saj të re.
Kujtojmë se Hathaway është një nga figurat më të dashura të kinematografisë amerikane. Ajo ka luajtur në një sërë produksionesh të ndryshme dhe që prej fillimeve të saj është spikatur për aftësitë e mëdha në fushën e aktrimit./revistawho.com
