Pak ditë më parë Anxhela Peristeri publikoi projektin e saj më të ri muzikor “Shpirt i bukur”, i cili u prit mjaft mirë nga ana e publikut. Në videoklip Anxhela shfaqet e veshur me një fustan të bardhë, që pavarësisht se është i shkurtër ngjason me atë të nusërisë. Megjithëse në jetën e saj profesionale ka provuar të veshë një fustan të tillë, në jetën reale duket se Anxhela nuk e ka ndërmend të bëhet nuse. E ftuar ditën e sotme në emisionin “Rudina”, Anxhela tha se martesa nuk është në planet e saj të afërta dhe se nuk është shumë pro saj.
“Nuk është në planet e mia të afërta dhe unë nuk jam pro martesës. Për mua është thjesht një ceremoni dhe mendoj është e rëndësishme të gjesh njeriun e zemrës dhe të jesh mirë me të. Sigurisht që është një ceremoni e bukur për të veshur fustanin e bardhë dhe për të mbledhur njerëzit, por që mendoj se nuk është shumë e rëndësishme për mua sa të mendoj për këtë gjë”, është shprehur Peristeri. Për sa i përket unazës në gisht, që kohë më parë ngriti dyshime për një fejesë, Anxhela tha se është dhuratë nga dikush.
https://www.instagram.com/p/B2PGTwjj5F4/
“Kjo unaza ka formën e një unaze propozimi, është një dhuratë. Unë vazhdoj ta mbaj se është shumë e bukur dhe do ta zëvëndësojë kur të vijë unaza tjetër”, tha këngëtarja. Anxhela Peristeri është treguar gjithmonë shumë e rezervuar për jetën e saj dhe mesa duket do ta vazhdojë ta ruajë me fanatizëm privatësinë. /revistawho.com
