Anxhela Peristeri është një na këngëtaret më aktive në muzikën shqiptare. Pak ditë më parë ajo ka publikuar bashkëpunimin me Kastriot Tushën, për këngën e saj ‘E çmendur’, por në versionin anglisht. Ky bashkëpunim rezultoi mjaft i suksesshëm dhe u prit shumë mirë nga publiku.
Për të folur për këtë projekt dhe jo vetëm, Anxhela ishte e ftuar në emisionin ‘Boom’ të Rozana Radit dhe Fiori Dardhës. Anxhela ka treguar se ishte një dëshirë e saj që të sillte këtë version të ri të këngës dhe është shumë e kënaqur për të gjithë punën që është bërë. Në këtë intervistë nuk munguan dhe disa ngacmime nga ana e Fiorit dhe Rozanës për jetën private të këngëtares.
Duke e ditur se Anxhela është me origjinë nga Korça, dy moderatorët filluan ta pyesnin këngëtaren për djemtë korçarë. “Kemi dëgjuar që korçarët vdesin t’i marrin gratë e virgjëra, është e vërtetë kjo?”, – ka pyetur Rozana. Anxhela ka thënë se nuk është aspak e vërtetë. Por Rozana e ka ngacmuar dhe më tej duke i thënë se me siguri ajo do të shkojë e virgjër në altar. “Unë për veten time mund të jem e vetmja që do shkoj në altar e virgjër”, – deklaroi Anxhela dhe kjo shkaktoi shumë të qeshura. Megjithatë këngëtarja nuk ka preferuar të jap shumë detaje për jetën private, sepse sipas saj nuk po ndodh asgjë. /revistawho.com
