Anxhela Peristeri kohët e fundit ka qenë një ndër personazhet më të diskutuar për jetën e saj private. Pak kohë më parë u tha se ajo ishte fejuar, por këngëtarja e mohoi publikisht këtë lajm. Së fundmi e ftuar në emisionin “Ftesë në 5”, Anxhela ka zbuluar çfarë ka planifikuar për jetën e saj private dhe karrierën.
E pyetur nga Bieta Sulo se kur do e veshë fustanin e bardhë, Peristeri tha se tani nuk dëshiron të bëjë asnjë plan. “Kur kam bërë planet ka qenë mosha 28-vjeçare, kështu që nuk bëj më plane. Kështu e kisha fiksuar atëherë, që 28 dua të martohem, se thosha është moshë ideale për të krijuar familje”, është shprehur Anxhela. Siç duket tani këngëtarja ja ka lënë gjithçka në dorë rastësisë dhe jo vetëm në aspektin sentimental, por edhe në atë profesional, sepse ka treguar se nuk ka plane për lançimin e këngëve të reja. Së fundmi Anxhela ka publikuar këngën “Maraz”, e cila brenda pak ditëve ka marr me mijëra shikime. /revistawho.com
