Mbrëmjen e sotme Anxhela Peristeri ishte një ndër të ftuarat speciale në emisionin e njohur të së premtes “Zonë e lirë”. Këngëtarja e njohur shoqërohej nga balerini i saj Niko Spiro, për të promovuar këngën “Maraz”.
https://www.instagram.com/p/ByIz5AYhJzN/
Sapo hyri në studio drejtuesi i emisionit Arian Çani vuri menjëherë re ndryshimin në fizikun e Anxhelës. Këngëtarja e njohur këto kohë duket në formë perfekte trupore dhe sot ka zbuluar se si e ka arritur këtë gjë. Në “Zonë e lirë” Anxhela ka treguar se falë regjimit ushqimor ka arritur të humbasë 16 kilogramë. “Duket shumë e vështirë të humbasësh kile, por nuk është. Kam 7 muaj që ndjek këtë regjim ushqimor duke vazhduar stërvitjen dhe duke eliminuar brumërat në mënyrë drastike. Kam humbur 16 kilogramë”, ka rrëfyer Peristeri. Artistja e njohur së fundmi ka realizuar edhe një set fotografik dhe të gjithë e kanë përgëzuar për transformimin në trup.
Personazhet e njohur duhet të shfaqen në mënyrë perfekte para publikut që i ndjek, prandaj është kthyer si një formë detyrimi kujdesi për format trupore. /revistawho.com
