Këngëtarja shqiptare Anxhela Peristeri ka deklaruar se nuk ka bërë asnjë operacion plastik në fytyrën e saj. E ftuar në emisionin “Top Show”, këngëtarja e cila prej dy vitesh është shumë aktive në skenën muzikore shqiptare, është shprehur se nuk ka bërë asnjë ndërhyrje.
E gjithë kjo situatë është krijuar pas një scoop-i të nxjerrë nga faqja “Vipat e bllokut” në IG, me pretendimin se këngëtarja nuk është më tani si më parë për shkak të operacioneve.
Faqja thumbuese e të gjithë emrave të njohur të showbiz-it shqiptar, bëri shumë zhurmë në mediat rozë për demaskimin që i bëri një pjese të mirë të personazheve të njohur, megjithatë tashmë është mbyllur.
Gjithsesi, rasti i Anxhelës duket se ka qenë një mashtrim siç tregon vetë ajo, madje për të qenë sa më konkrete këngëtarja ka komentuar fotot kur ishte fëmijë të bëra publike gjatë programit të mbrëmshëm. E gjithë kjo për të vërtetuar se ajo nuk është viktimë e shiringave dhe bisturive.
