Dy ditë më parë Anxhela Peristeri u shfaq përpara publikut shqiptar me një koncert recital me këngët e saj më të bukura ndër vite. Përveç performancës së saj të shkëlqyer dhe vokalit të fuqishëm, siç duket fansat e Anxhelës kanë vënë re barkun e saj të fryrë. Menjëherë janë ngritur dyshime për një shtatzëni të mundshme dhe nuk kanë munguar dhe mesazhet e urimit nga ndjekësit e saj në ‘Instagram’. Megjithatë Anxhela ka vendosur t’u përgjigjet të gjithëve dhe të shuajë dyshimet. “Faleminderit për bekimet që më keni dhënë për komentet tuaja për ‘shtatzëni’, por me keqardhje ju them se nuk jam shtatzënë, thjesht kam disa kilogramë plus. Nuk kam arsye ta fsheh, sepse është diçka që me kalimin e kohës duket, kështu që mos kini asnjë dyshim për këtë që po u them!”, – ka shkruar këngëtarja.
Kujtojmë se përpara pak kohësh e ftuar në emisionin ‘Rudina’, Anxhela hodhi poshtë zërat për fejesë dhe tha se kur të ketë diçka konkrete në jetën e saj do e tregojë për të gjithë. /revistawho.com
