Një grua 33-vjeçare e mbetur e ve, nënë e tre fëmijëve, ka prekur lexuesit me apelin e saj për çiftet që të mos shkojnë kurrë për të fjetur kur janë të nevrikosur, por të mundohen të zgjidhin problemet e tyre. Ashley Murrell e thotë këtë nga eksperienca, pasi pak kohë më parë, pati një zënkë të hidhur me bashkëshortin dhe e la atë të flinte në divan. Të nesërmen e gjeti aty të pajetë. Sherri nisi pasi 36-vjeçari Mickey kishte nisur të punonte nga 16 orë në ditë në një kompani pastrimi dhe Ashley nuk ishte dakord me këtë pasi ai po shkatërronte veten. ‘Orët e gjata në punë po bëheshin shumë. Kur erdhi në shtëpi atë natë dukej shumë keq. Nuk e kisha parë kurrë aq të ezauruar. Nuk e durova dot që ta shihja ashtu dhe u bëra me nerva.”- shprehet Ashley.
Dyshja nuk kishte arritur të sqarohej dhe Ashley i tha bashkëshortit që të flinte në divan, pa e imagjinuar kurrësesi se ajo do të ishte mbrëmja e tyre e fundit së bashku. Vetëm pak pas vdekjes së tij, 33-vjeçarja zbuloi se arsyeja e orëve të gjata të bashkëhsortit në punë ishte një udhëtim në Pragë që ai i kishte bërë asaj surprizë për përvjetorin e martesës.
“U ndjeva kaq fajtore. Isha e nevrikosur me veten që e lash të flinte në divan. Ende nuk më besohet se fjalët e fundit që i thashë ishin të thëna nga inati. Kur zbulova se apo po kursente që të shkonim me pushime për përvjetorin tonë ishte e tmerrshme. Humbja e Mickey-t më ka ndryshuar të gjithë këndvështirmin për jetën. Jeta është shumë e shkrutër për të shkuar në shtrat me nerva dhe për të mos e kaluar çdo moment që të jepet me familjen tënde.”- tha 33-vjeçarja e prekur./xing.al
