Një prej çifteve më të dashura të publikut janë Arbana Osmani dhe Eduart Grishaj. Së shpejti ata do të martohen dhe sigurisht të ftuarit më specialë janë 3, Joni, Dielli dhe Zoi. Por edhe disa detaje dashur-padashur i ka zbuluar Eduarti. Në një rrëfim për “Galeri” në “E diell” ai ka folur për njohjen me Arbanën, por edhe për dasmën në Toskanë.
“Do të nisemi sa të mbarojmë bashkë për në Itali për dasmën. Emisionet i mbyllëm, fëmijët i mbyllëm. Donim të bënim dhe vajzën që të mos thoshte për një pjatë nuk më ftuat dhe mua. Tani themi të bëjmë dhe dasmën. Unë dhe Arbana lëvizim goxha dhe një nga vendet tona që na pëlqen është Toskana. Donim që dhe rrethi ynë i ngushtë ta shijojë, ta ndajmë këtë eksperiencë.
Unë të githë të ftuarit i njoh. Janë vetëm rrethi i ngushtë, 120 veta. I pari që do këndojë do jem unë, pastaj nga të ftuarit, 30 veta janë këngëtarë. Do bëjmë dhe ceremoni në kishë”, tha Eduarti.
