Arbana dhe Eduarti kanë shuar kuriozitetin e të gjithëve sot duke publikuar foton e shumëpritur nga dasma e tyre madhështore. Çifti ka publikuar në Instagram një foto nga ceremonia e mbajtur në kishën San Galgano, ku u kurorëzuan në prani të Dom Gjovalinit, familjarëve dhe miqve të tyre më të ngushtë. Arbana duket si një princeshë e dalë nga përrallat me fustanin e “Geraldina Sposa”, nga dora e stilistit të famshëm iranian që ka veshur shumë personazhe të famshëm, Zuhair Murad, ndërsa Eduarti shfaqet elegant me kostumin bardh e zi, teksa ndan një moment tejet romantike me nusen.
Përmes një shkrimi, Arbana falenderon të gjithë ata që respektuan dëshirën e tyre për privatësi dhe shprehet se iu desh kohë të mblidhte veten nga emocionet për të ndarë këtë moment kaq magjik.
“Bashkë ne të dy”
Një javë më parë festuam dashurinë me njerëzit tanë më të afërt në një lumë emocionesh e lotësh gëzimi. Kanë qenë ditë të paharrueshme për ne dhe na u desh pak kohë të mbledhim veten nga emocionet dhe të ishim gati të ndanim edhe me ju këtë moment, si një falenderim që jeni gjithmonë pranë nesh, në të mirë e në të keq
Faleminderit të ftuarve tanë të zemrës që ato ditë braktisën telefonat dhe shijuan bashkë me ne një fundjavë të bukur duke respektuar dhe dëshirën tonë për ta mbajtur këtë festë private.
Faleminderit Zotit për gjithçka
Vetëm bekime për të gjithë ju; Gjithmonë”
