[metaslider id=266]
Koha u ka bërë një surprizë thuajse në të njëjtën periudhë. Ndërsa Arbana po përjetonte lajmin e gëzuar se do të bëhej sërish ‘teze’, nga mikesha e saj e ngushtë, prezantuesja bukuroshe Xhemi Shehu, Zoti vendosi t’i dhuronte edhe asaj të njëjtat përjetime: shtatzënë në të njëjtin vit, vetëm me pak javë diferencë nga njëra-tjetra. Një binom lumturie për dy mikeshat e dashura të skenës dhe ekranit! Arbana Osmani dhe Xhemi Shehu, dy vajza jo vetëm simpatike, por edhe shumë të suksesshme në profesionin e tyre, nuk vijnë në revistën tonë për karrierën e gjatë, as për lançimin e ndonjë projekti të ri televiziv. Vijnë më bukur. Vijnë plot emocione, përjetime, buzëqeshje… kanë një botë të re për të dhuruar. Paparaci i “WHO” i ka ndjekur dy koleget ndërsa vizitonin së bashku një prej qendrave më të njohura tregtare në kryeqytet. Barku ka filluar të rritet, e me rritjen e tij duhet të ndryshojë edhe gardëroba. Ndoshta kjo ka qenë arsyeja e vizitës së tyre disaminutëshe nëpër dyqane. Të dyja vajzat kanë vendosur që këtë vit të bëjnë një pauzë nga televizioni (Xhemi nuk do të jetë në “E Diell”), duke i dhënë kështu mundësi vetes disa ditë pushimesh me njëra-tjetrën. Ato po kalojnë momente shumë të gëzuara së bashku, duke provuar sakaq, me ‘sebepin’ e nepsit të shtatzënisë, një llojshmëri gatimesh. Xhemi mësohet se pret sërish djalë, pas Martinit tashmë 3-vjeçar, ndërkohë që gjinia e bebit të Arbanës ende nuk është mësuar. “WHO” u uron vajzave shtatzëni të mbarë!
Discussion about this post